Lowassa awataka vijana wajipange kuelekea 2020

Mjumbe wa Kamati Kuu ya Chama cha Democrasia na Maendeleo CHADEMA

ambaye pia ni waziri mkuu mstaafu Mh. Edward Lowassa amelitaka baraza la

vijana la CHADEMA Taifa kutokukubali kugawanywa katika misingi ya kisiasa na

badala yake wajikite katika kukiimarisha chama hicho katika ngazi ya chini hasa

vijijini.

Waziri huyo mkuu mstaafu ambaye pia ni mjumbe wa kamati kuu ya CHADEMA

Taifa ametoa rai hiyo kwa vijana wakati wa ufunguzi wa mkutano mkuu wa

kamati tendaji ya BAVICHA Taifa na ambapo amehimiza umoja ndani ya baraza

hilo na kuwataka kuelekeza nguvu zao mwaka 2020 huku pia akiendelea

kusikitishwa na kauli tata za katazo la mikutano ya kisiasa.

Lowassa amesema kuwa amesikitishwa na Jeshi la Polisi kuzuia mikutano ya

vyama vya siasa wakati ikikiruhusu chama cha Mapinduzi(CCM) kufanya

mikutano.

Aidha, Lowassa amedai kushangazwa na kauli ya Kamanda wa Polisi wa mkoa

wa Dodoma kuhusu kuiruhusu CCM kufanya mkutano wa hadhara kwenye

uwanja wa Jamhuri mkoani Dodoma, mkutano ambao utatumika

kumtambulisha Dk Rais John Magufuli kama mwenyekiti mpya wa CCM.

John Mrema na Bw. Patrobas Katambi ambaye ni mwenyekiti wa baraza hilo

pamoja na masuala mengine wamewataka vijana kuwa mstari wa mbele

kuhakikisha demokrasia inapatikana huku pia adhima yao ya kuelekea mjini

dodoma wakisema iko pale pale

Kikao hicho cha kamati kuu tendaji ya BAVICHA Taifa kilihudhuliwa na wajumbe

kutoka mikoa yote Tanzania ambapo pia kinaratajia kutoka na azimio la njia

mbadala ya kile inachokiita ni kwenda kulisaidia jeshi la polisi mkoani Dodoma.