Mtitu awashukia viongozi TAFF

DAIREKTA mwenye jina kubwa nchini, William Mtitu amefunguka kuwa kitu

kinachoiangusha tasnia ya filamu Bongo ni uongozi wa Shirikisho la Filamu

Tanzania (TAFF), ambao umeshindwa kuwasimamia wasanii wake vizuri pamoja

na kutengeneza mazingira mazuri ya kuwafanya wadau mbalimbali kuvutiwa na

tasnia hiyo hata kuwekeza.

Akihojiwa na GPL, Mtitu aliongeza kuwa ili tasnia ya filamu iweze kusimama na

kusonga mbele au angalau tu kurudi mahala ilipokuwa siku za nyuma ni lazima

uongozi wa TAFF uwe thabiti ikiwezekana yafanyike mabadiliko makubwa katika

uongozi huo na wapatikane viongozi wazuri wa kuwasimamia wasanii katika

ukuzaji wa tasnia ya filamu.

“Unapoona kundi lenye viongozi linashindwa ni dhahiri kuwa viongozi wake si

thabiti. Ndivyo ilivyo kwenye filamu, hii sintofahamu inayoendelea iliyoshusha

tasnia yetu ni ukweli kuwa huwezi kuwalaumu tu wasanii, viongozi wa TAFF

wanahusika kwa namna moja au nyingine,” alisema Mtitu.N