UKAWA wasusia hafla IKULU

Vyama vya upinzani vimesusia hafla iliyoandaliwa Ikulu kwa ajili ya Rais Paul

Kagame wa Rwanda.

Rais John Magufuli alikuwa ameandaa dhifa ya kitaifa kwa ajili ya mgeni huyo

ambaye aliwasili nchini juzi kwa ziara ya siku mbili, iliyohusisha kufungua

Maonyesho ya Kimataifa ya Biashara jijini Dar es Salaam.

Baada ya kuzindua maonyesho hayo, Rais Kagame aliandaliwa hafla hiyo

ambayo ingeweza kumkutanisha na viongozi wengine wa kisiasa na

wafanyabiashara, lakini hali ikawa tofauti baada ya viongozi wa vyama vya

upinzani vinavyounda Ukawa kutoshudhuria.

“Kuna mgogoro huo wa kuzuia mikutano ya hadhara, lakini hawajali. Suala la

Zanzibar, watu wanakufa lakini hawajali, bungeni kuna mpasuko kwa muda

wote lakini hawajali,” amesema Mwenyekiti wa Chadema, Freeman

Mbowe, ambaye ni Kiongozi wa Kambi ya Upinzani Bungeni na mbunge wa Hai

akizungumzia uamuzi wao wa kugoma.

*Mwananchi*