Ikulu yakanusha uvumi kuhusu Jerry Murro

Kufuatia kusambaa kwa taarifa kwenye mitandao ya kijamii kuwa Rais wa

Jamhuri ya Muungano wa Tanzania Dk John Magufuli amemuidhinisha Gerson

Msigwa kuwa Mkurugenzi wa Mawasiliano Ikulu, huku taarifa hiyo ikidai kuwa

Rais pia amemteua aliyekuwa msemaji wa klabu ya Yanga Jerry Murro kuwa

Naibu Mkurugenzi wa Mawasiliano Ikulu, taarifa hizo sio za kweli.

Kwa mujibu wa taarifa iliyotolewa na Kurugenzi ya Mawasiliano Ikulu na

kusainiwa na Kaimu Mkurugenzi wake, Gerson Msigwa ni kwamba Rais

hajafanya uteuzi huo.

"Kuna taarifa zimesambazwa zikisema kuwa Rais Magufuli amemthibitisha

Gerson Msigwa kuwa mkurugenzi wa mawasiliano Ikulu huku msaidizi wake

akiwa ni aliyekuwa msemaji wa klabu ya Yanga Jerry Murro, taarifa hizo sio za

kweli na wananchi wazipuuze," imesema sehemu ya taarifa hiyo.

Aidha taarifa hiyo imesema maamuzi yoyote ya uteuzi wa rais yatatangazwa na

kuwekwa kwenye tovuti ya Ikulu kama ilivyo kawaida.