Ajali ya basi yaua watano Korogwe

Watu watano waliokuwa wanasafiri kwa basi la kampuni ya Mbazi kutoka Dar

es Salaam kwenda Arusha wamekufa na wengine 28 kujeruhiwa baada ya basi

lao kupinduka katika Kijiji cha Chekelei, wilayani Korogwe.

Watatu walikufa katika eneo la tukio, huku wengine walikufa baada ya

kufikishwa hospitalini.

Ajali huyo imethibitishwa na Kaimu Kamanda wa Polisi Mkoa wa Tanga, David

Mnyambugha, akisema ilitokea Julai 18, mwaka huu majira ya saa 11.30 jioni.

“Juzi jioni basi hilo namba T 587 APN aina ya Scania lilikuwa likitoka Dar es

Salaam kwenda Arusha lilipofika eneo la Chekelei ghafla mwendesha baiskeli

alivuka barabara, hivyo dereva wa basi ambaye sijapata jina lake alijitahidi

kumkwepa, lakini alishindwa na ndipo gari likapinduka,” alisema na kumtaja

mwendesha baiskeli kuwa ni Ramadhani Mdoe (65), mkazi wa Kijiji cha

Kivilicha.

Baadhi ya majeruhi wa ajali hiyo, akiwemo Zuberi Mwindadi alisema mwendo

kasi wa dereva ulichangia kutokea kwa ajali hiyo, kauli iliyoungwa mkono na

majeruhi mwingine, Grace Raymond