Kwa Picha: Moto mkubwa watishia Israel

Misitu iliyo karibu na Jerusalem pia inatishiwa. Israel imepokea usaidizi kutoka Urusi, Uturuki, Ugiriki, Italia, Croatia na Cyprus.

Maelfu ya watu wamelazimika kukimbia makwao baada ya moto mkubwa kuendelea kuenea na kukaribia kufika katika mji wa Haifa, kaskazini mwa nchi hiyo.

Moshi kutoka kwa moto huo Haifa wakati mwingine ulikuwa mwingi kiasi kwamba karibu jua lizibwe.

AFP

Misitu iliyo karibu na Jerusalem pia inatishiwa. Israel imepokea usaidizi kutoka Urusi, Uturuki, Ugiriki, Italia, Croatia na Cyprus

• Moto mkubwa ambao umekuwa ukiwaka kwa siku kadha Israel sasa unakaribia mji wa Haifa kaskazini mwa nchi hiyo. Moto huo umesababisha uharibifu mkubwa. Watu karibu 50,000 katika mitaa minane wametakiwa kuhama, maafisa wanasema.

Hakujaripotiwa taarifa zozote za watu kuumia vibaya lakini watu kadha wamepelekwa hospitalini wakikabiliwa na matatizo kutokana na kupumua hewa iliyojaa moshi.

EPA
Ukosefu wa unyevu kwenye hewa pamoja na kuwepo kwa upepo mkali kumesababisha moto huo kuenea upesi.

Maelfu ya wakazi wamehama makwao Haifa, wakijaribu kunusuru mali yao.

Moto huo hapa unaonekana ukiwaka karibu na barabara kuu ya Route 1 inayounganisha Tel Aviv na Jerusalem.

Wazimamoto wanaendelea na juhudi za kukabiliana na moto huo, ingawa umeathiri maeneo makubwa na wazimamoto hao ni wachache. Wanahitajika pia kuwalinda raia na nyumba zisishike moto.