CCM YATANGAZA SIKU YA KUMKABIDHI JPM UONGOZI.

CHAMA Cha Mapinduzi (CCM) leo kimetangaza tarehe ya kumkabidhi

rasmi uongozi wa chama, Rais John Pombe Magufuli ikiwa ni utaratibu wa

kawaida ndani ya chama hicho. Kwa mujibu wa taarifa iliyotolewa na

Msemaji wa Chama Cha Mapinduzi leo jijini Dar es Salaam kwa

wanahabari, Christopher Ole Sendeka Mkutano Mkuu Maalum wa CCM

utafanyika Julai 23, 2016.

Alisema uamuzi wa kufanyika kwa mkutano huo umefikiwa baada ya Kikao

cha Kamati Kuu ya CCM chini ya Mwenyekiti wa CCM, Jakaya Kikwete

kilichofanyika Ofisi Ndogo ya CCM, Lumumba jijini Dar es Salaam. Alisema

Mkutano huo Mkuu Maalum utatanguliwa na vikao vya sekretarieti, Kamati

Kuu na Halmashauri Kuu ya Taifa.

“…Lengo la Mkutano Mkuu huo Maalum ni kukabidhiana kijiti cha uongozi

wa juu wa chama chetu kutoka kwa Mwenyekiti wa CCM Dk. Kikwete

ambaye pia ni Rais mstaafu wa Awamu ya Nne kwenda kwa Rais wa sasa

wa Jamhuri ya Muungano wa Tanzania, Dk. John Pombe Joseph Magufuli

kama ulivyo utamaduni wa CCM,” alisema Ole Sendeka.