JAMII YAOMBWA KUUNGA MKONO MAPAMBANO YA KUMLINDA MTOTO WA KIUME DHIDI YA UKATILI WA ULAWITI
JAMII YAOMBWA KUUNGA MKONO MAPAMBANO YA KUMLINDA MTOTO WA KIUME DHIDI YA UKATILI WA ULAWITI
Kutokana na Watoto wengi wa Kiume kutosikilizwa mara nyingi wamekuwa wakitendewa ukatili hata baadhi yao wamekuwa wakitishiwa jambo ambalo limewafaya kukosa ujasiri wa kujieleza,huku wengi wao wamejikuta na kauli zisizokuwa na matumaini yeyote kwao, bila kusahau sehemu kubwa ya ukatili ukiwa unafanyika nyumbani.
Akizungumza Mkurugenzi wa Taasisi ya isiyo ya Kiserikali Vuka Initiative Bi Veronica Ignatus katika kongamano la siku moja julai 27/2024 lililobeba Jina la "Mlinde Motto was Kiume dhidi ya Ukatili wa Ulawiti" lililowakutanisha vijana wa kiume na mabinti zaidi ya 100 wazazi katika chuo cha Ufundi Arusha (ATC) kuwa kampeni hiyo imekuja kutoka na mmomonyoko wa maadili katika jamii na wazazi kukosa muda wa Kukaa watoto wao.
Aidha Bi Veronica amesema kwamba lengo kuu la kongamano hilo ni kuwakumbusha Wazazi na Walezi kutambua umuhimu wao katika malezi na makuzi stahiki kwa watoto wa Kiume, kutambua changamoto za Ukatili wanazozipitia, sambamba na kuzitolea taarifa sehemu husika ili kuhakikisga watoto hao wanakuwa salama, pamoja na kupatiwa maadili mema ili aweze kuja kuisimamia vyema familia yake.
"Tumekuwa tukisikia/ kuona baadhi ya watoto wetu wakijihusisha na mapenzi ya jinsia moja na hii ni hali inayosikitisha,Mtoto wa kiume akishaharibiwa hawezi kusaidiwa tena,tunaomba wazazi walezi viongozi mbalimbali tutupie suala hili macho kwa karibu kuwanusuru watoto wetu WA Kiume kwaajili ya Familia na Taifa kwa ujumla.
Aidha Bi Veronica amesema Wazazi wamekua wakitumia muda mwingi kutafuta mali na kushindwa kumsikiliza mtoto wa kiume hivyo kupelekea kumnyima haki yake ya kumsikiliza, ukizingatia ukuaji wa Sayansi na Teknolojia pamoja na muungiliano wa mila na desturi hivyo baadhi ya wazazi wanakua wakali kupita kiasi,lakini pia kuna wazazi wanaowaachia watoto kila wanachokitaka hivyo kuwafanya watoto kubweteka mwishowe wanapokuwa watu wazima wanataka vitu kwa urahisi hatimaye anajiingiza kwenye vitu visivyofaa.
Kwa upande wake Mgeni rasmi katika kaongamano hilo Baba Askofu Dkt.Stanley Hotay amesema mtoto wa Kiume amekuwa akikataliwa katika Jamii, familia, shuleni hali inayompelekea kuchanganyikiwa na kutokufahamu asimame upande upi kwani amewekwa kuwa daraja la pili, hata wakati mwingine ameshindwa kufanya maamuzi ya busara kwasababu ya kukosa ujasiri.
Amesema ili vijana hao waweze kuepukana kutokana na janga lililopo la ushoga amewaomba viongozi wa dini mbalimbali, Wazazi walezi viongozi kuanzia ngazi ya kata hadi Taifa kuungana kwa pamoja kutafuta mbinu mbadala ya kuwanusuru watoto wa Kiume katika changamoto iliyopo kwa sasa ili kupata Taifa Bora.
Kwa upande wake mkuu wa Dawati la Jinsia kutika Jeshi la Polisi mkoa wa Arusha SP Happiness Temu amesema kuwa vijana wa Kiume hata kukiwepo na Shauri hata wakiitwa polisi hawaendi kwasababu wanachukulia kwamba Dawati linawahusu wanawake na siyo wao.
"Hii inatokana na mazingira aliyolelewa, Mila na desturi ambazo zinamuonyesha mtoto wa Kiume hapaswi kusema pale anapoumizwa, kupigwa au kufanyiwa ukatili wa kulawitiwa ama kubakwa , kwamba italeta aibu katika Jamii yao jambo ambalo siyo sawa,kwani Mtu yeyote ana haki ya kusema pale anapotendewa ukatili wa aina yeyote.
Aidha kongamano hilo limebeba ujumbe usemao mimi ni chimbuko la Familia,Mimi ni Kichwa cha Familia Mimi ni Kiongozi ajaye ,Nilinde nisilawitiwe ,huku kaulimbiu ikiwa ni Jenga msingi bira kwa mtoto wa Kiume kwa manufaa ya Taifa Lijalo
No comments